20 қараша күні Алтынсарин ауданының барлық мектептерінде 7–11-сынып оқушылары үшін «Заң және тәртіп» тұжырымдамасын іске асыру аясында бірыңғай мазмұндама жұмысы өткізілді.

Іс-шараның мақсаты – оқушылардың мәтінді талдау дағдыларын, оның мазмұнын жүйелі әрі сауатты жеткізу қабілетін дамыту, сондай-ақ құқықтық сауаттылығын арттыру, қоғамдағы тәртіп пен жеке жауапкершіліктің маңызын саналы түрде ұғындыру болды.

Оқушылар ұсынылған мәтінмен жұмыс жасап, оның негізгі ойын анықтады, мазмұнын талдады және өз сөздерімен баяндады. Мұндай жұмыс түрі логикалық ойлауын, өз ұстанымын қалыптастыру және ойын дәл әрі бірізді жеткізе білу қабілетін дамытуға ықпал етеді.

Іс-шара барлық сыныптардың белсенді қатысуымен ұйымдасқан түрде өтті. Барлығы 355 оқушы қатысты, оның ішінде:
– 7-сыныптар — 98 оқушы;
– 8-сыныптар — 87 оқушы;
– 9-сыныптар — 80 оқушы;
– 10-сыныптар — 50 оқушы;
– 11-сыныптар — 40 оқушы.

Бірыңғай мазмұндама оқушылардың құқықтық мәдениетін қалыптастыруға және заманауи қоғамда нормалар мен ережелерді сақтаудың маңызын түсінуге бағытталған маңызды қадам болды. Үздік жұмыстар білім беру ұйымдарының сайттарына орналастырылды.