2026 жылғы 21 қаңтарда Алтынсарин ауданы білім бөлімінің «Толағай» бөбекжайы» КМҚК базасында мектепке дейінгі ұйымдардың әдіскерлері мен тәрбиешілері үшін аудандық шығармашылық фестиваль өткізілді. Іс-шараның мақсаты — педагогтердің шығармашылық әлеуетін дамыту, кәсіби тәжірибе алмасуға жағдай жасау және мектепке дейінгі тәрбиелеу мен оқыту үдерісінде шығармашылық бастамаларды қолдау.

Фестиваль барысында қатысушылар өздерінің шығармашылық жұмыстарын ұсынып, практикалық идеяларымен бөлісті. Мұндай кездесулер педагогтердің кәсіби ынтымақтастығын нығайтып, балалармен жүргізілетін тәрбие жұмысының мазмұнын байытуға ықпал етеді.