2023 жылғы 16 қарашада "Мариям Хакімжанова атындағы Щербаков жалпы білім беретін мектебі" КММ базасында М.Хакімжанованың туғанына 117 жыл толуына орай аудандық "Отты жырлар алыбы" мәнерлеп оқу байқауы өткізілді.

Байқау үш жас санатында өткізілді: 1-4 сыныптар, 5-7 сыныптар және 8-11 сыныптар. Конкурсқа ұсынылған шығармалар жарияланған тақырыпқа сәйкес келуі және қазақ немесе орыс тілдерінде айтылуы тиіс еді. Байқауға ауданның 16 мектебінен 26 оқушы қатысты. Барлық қатысушылар М. Хакімжанованың өлеңдерін тамаша оқыды. Бұл өлеңдер, балалардың орындауында, ешкімді бей-жай қалдырмады. Орындаушылар дайындықтың жеткілікті жоғары деңгейін көрсетті және көрермендер мен қазылар алқасына өздерінің эмоционалдық көңіл-күйлерін жеткізіп, жоғары сахналық және сөйлеу мәдениетін көрсете алды. Жеңімпаздар мен жүлдегерлерді анықтау үш жас тобы бойынша жүргізілді 1-4 сыныптар, 5-7 сыныптар және 8-11 сыныптар. Осы байқаудың жеңімпаздарын құттықтаймыз және жаңа шығармашылық жеңістер тілейміз!