Біздің мектепте балалық шақтың басты мерекесі – Балаларды қорғау күні қуанышты, думанды, шат-шадыман көңіл-күйде өтті. Барлық педагогтар бұл мереке балалардың есінде ұзақ сақталып қалуы үшін бар күш-жігерін салды. Осы күні біз мерекелік атмосфера жасап, балаларды көңілді ойындармен, әндермен, билермен қуанттық.
Мектеп кіреберісінде түрлі-түсті шарлардан жасалған көркем арка орнатылып, көңілді әуендер шырқалып, балалардың көтеріңкі көңіл-күйін одан әрі арттырды.
Іс-шарамыз мектеп директоры Ирина Николаевна Цебердің мерекелік құттықтауынан басталды. Одан кейін бірнеше жалпы ойын өткізілгеннен соң, балалар сыныптары бойынша бөлініп, әртүрлі бекеттер бойынша саяхатқа аттанды. Ол жерде балалар түрлі ойындар ойнап, сурет салып, шығармашылықпен айналысты.
Бекеттер бойынша байқаулар өткізу барысында балаларға тәтті мақта таратылды.
