Аудан мектептерінің 5-7 сынып қыздары арасында волейболдан аудандық лига жарысы өтті. Сайысқа ауданның әр мектебінен келген командалар қатысып, өз шеберліктерін көрсетті. Қыздар арасындағы бұл жарыс тек спорттық бәсеке ғана емес, сондай-ақ командалық рухты, достық пен ынтымақтастықты нығайтуға арналған тамаша шара болды.

Жарыс қорытындысы бойынша:
• 1-орынды Свердлов жалпы білім беретін мектебінің командасы иеленді.
• 2-орынға Силантьев жалпы білім беретін мектебінің командасы тұрақтады.
• 3-орынды Ы.Алтынсарин атындағы Обаған жалпы білім беретін мектебінің командасы жеңіп алды.
Жеңімпаздарды және барлық қатысушыларды шын жүректен құттықтаймыз! Бұл жетістіктер – олардың табандылығы мен тынымсыз жаттығуларының жемісі. Алдағы жарыстарда да табысты өнер көрсетулеріне тілектеспіз!